حــــــكــــــايــــــتــــــى مــــــع الــــــزمــــــــــــان

يسعد صباحك يا عم زمان

جيت
أحكيلك حدوته

والحدوته مش كان ياما كان

ولا هى كبيره ولا
زغنتوته

دى الحدوته لواد غلبان

تلميذ م الدنيا بيتعلم

عايش
ف حياته بيتألم

والدمعه ف عينه بتتكلم

وتشوفه تقول عايش
فرحان

بالضحكه بيكتم أحزانه

وبيعشق عقله وجنانه

يمكن
ده مش هو زمانه...؟

أو فارس مش لاقى حصان...!!؟

عاش الواد من
صغره عجوز

بأصحابه دايماً محظوظ

خايف يفارقهم مهزوز

ما
هو شاف البعد ف كل مكان

يعرف دول ويصاحب دول

ويساعدك من غير
ما تقول

وبيدخل قلبك على طول

ويحب يكون دايماً إنسان

كبر
الواد ف العمر شويه

قال يعشق ويحب صبيه

قاله الحب لا ليك
ولا ليّه

صرخ الواد أرجوك يا زمان

هو أنا للهم يا ناس مخلوق

ولا
طايل عاشق ولا معشوق

سيبنى أحب يومين بالذوق

هى كمان فيها
إستئذان

قاله بلاش يا عجوز يا صغير

ده بحبك هاتعيش متحير

والكون
حواليك راح يتغير

وتبات تعبان وتقوم قلقان

راح الواد لكلامه
مطنش

وحَب الواد والحب ما تمش

قلب حبيبه بيه ما اهتمش

وفضل
الجرح شهور ما اتلمش

وعاش الواد مشغول حيران

لسؤاله مش لاقى
جواب

معقوله حبيبى يكون كداب..؟

وحلم العمر كأنه سراب..!!؟

إسكت
بقى وكفايه عتاب

هو ده أصلاً كان إنسان..!!؟؟

صرخ الواد
إسكت
يا زماااااااااااااان

قاله خلاص بكفابه جنان

وعايز أقولك
حاجه كمان

قلب الحب ضعيف وجبان

إسمع كلام العم زمان

واحمد
ربك ع النسيان

واوعاك ترجع يوم لزمان

لا تعيش مسكين مليان
أحزان

وانسى الحب كأنه ما كان

ورجع الواد مبسوط فرحان

خِسِر
الحب وكان كسبان

ما هو كل شئ يا زمان بأوان

تسمحلى أقولك يا
عم زمان

أوعاك تقلق على إنسان

بيدعى ربه بكل إيمان

برضاك
ربى أنا فرحان

وواثق إنى معاك كسبان

وراح ترزقنى بالإنسان

اللى
بحبه هاعيش ف أمان

وقبل الواد ما يروح ويسلم

قالها وبالفم
المليان

تلميذك يا زمان اتعلم

ولا يمكن تانى هايتألم

وبعلو
الصوت راح يتكلم

رافض إنه ف لحظه يسلم

وما بين الفرح
والأحزان

هايعيش إنسان ويموت إنسان



الــــــــعــــــــاشــــــــق
الــــــــمــــــــجــــــــروح

انا بشكركوا على ردودكوا الجميله دى وان شاء الله اكون عند حسن ظنكوا

تقبلوا مرورى