السلام عليكم ورحمه الله وبركاته
الموضوع ده فيه الفروق اللى بين الشئ والشئ
احنا عمرنا ما سألنا نفسنا الاسئله دى ايه الفرق بين ده وده
تعالو نشوف ايه الفروق اللى احنا عمرنا ما سألنا نفسنا عنها دى
تعرف تقول لي فرقين بين الليمون والزيتون؟
1- فيه لمونادة وما فيش زيتونادة .
2- تقدر تقول الناس لاموني لكن ما تقدرش تقول الناس زاتوني .
طب تعرف تقول 5 فروق بين البطة والوزة؟
1. تقدر تحلق شعرك زلبطة لكن ما تقدرش تحلقه زلوزة .
2. في رحاله اسمه ابن بطوطة لكن مافيش رحاله اسمه ابن وزوزة .
3. تقدر تبلبط في البحر لكن ما تقدرش تبلوز فيه .
4. كلنا نتغطى في الشتاء ببطانية لكن ما بنتغطاش بوزانية .
5. الوزة كانت زمان بطة لكن الشيطان وزها .
طب تعرف تقوللي 5 فروق بين الفيل والنملة؟
1- رجل الفيل ممكن تنمل لكن رجل النمله مش ممكن تفيل
2- البيت ممكن يبقى فيه نملية لكن مش ممكن يبقى فيه فيلية .
3- تقدر تاكل سمك فيليه لكن مش ممكن تاكل سمك نمليه .
4- كل واحد له بروفيل لكن مالوش برونمله .
موضوع: الفرق بين الليمون والزيتون وغيرها من الحاجات 
الأحد أغسطس 01, 2010 1:23 am
