ـقـارنـه بسيـطه بـيـن الـبـنات و الولاد

مقارنة بسيطة كدة بين الجنس الخشن والجنس اللطيف لكن مقارنات من نوع خاص

المقارنة الاولى

- بالنسبة للفتاة لو مر اودامها ولد وكانت معجبة به فبتبص عليه نصف نظرة من تحت لتحت كدة عشان محدش ياخد بالة

- أما بالنسبة للولد يلف رقبتة 360 درجة وتلاقي نص الشارع عرفو انه عاوز يكلم البنت دي

____________

المقارنة الثانية

اما يبقى فية قطة داخل البيت

-
بالنسبة للبنت بتقرب منها بهدوء وتمسكها وتروح مأكلها وبعد كدة تروح للباب
بهدوووووووء وتحطها برة بكل ادب وبعدين توعد القطة أنها هتبقا تدخلها تاني
وتروح قافلة الباب وخلاص

-
اما الولد بقا مش بيصدق نفسه لما يشوف قطه في البيت . ساعتها بقا زي
ماتقولو كده بيتخيل نفسه زين الدين زيدان يسدد ضربة حرة فتلاقي القطه
المسكينه مرمىه في الزاوية اليسرى للنافذة

__________________

المقارنة الثالثة

لما يبقى فية صرصار فى البيت

- لما تلاقي البنت صرصار بالليل تصرخ كأنها تؤدى السمفونية الأخيرة لبتهوفن
وبعدين
تستجمع شجاعتها وتجيب المبيد وترشه وهي تقول حتموت يعني حتموت والله
لأموتك والصرصار بيضحك على خفة دمها لحد مينزل عليه أبوها بالشبشب

-
أما بالنسبة لأخينا لما يلاقي صرصار ينتابه جنون العظمة فيعتقد انه هتلر
ثم يمسك الصرصار ويبدأ بعملية التعذيب بقا يمسكه ويبتدي يشدلو شنباتو
وبعدين يخش علي رجليه
ويسيبو بقا كده عبرة لكل صرصار حاول أن يتجرأ ويظهر له وهو موجود

___________________

المقارنة الاخيرة

خناقة بين اتنين من جنس واحد

- بالنسبة لبنتين بيتخانقو فى بعض انت مش بتسمع غير:

انتي حمارة

لأ انتي اللي ستين حمارة

الزمي حدودك انتي اللي 666 حمارة

واللهي ؟ انتي بقا اللي 6666 حمارة

الى ان يصلوا للعدد 66666666666666666666 من الحمير

- اما بالنسبة للصراع بين الجبابرة

الركل و الضرب والابكاس وطبعا الشتيمة الي تطرب الي بيسمعها
ودي تعتبر اسهل حاجه عندهم
الي هيا الشتيمه

يارب يكون التوبيك عجبكو

هههههههههههههههههههههههههههههههههههه
هههههههههههههه
والله مقارنه جميله منك يا شيماء
وليا الفخر انى اكون اول واحد يرد على الموضوع دا ....

موضوع عرفتى توصلى فية للمقارنة الصحيحة

نقبلى مرورى

شكرا لكل اللى رد على المقارنه
والمقارنه دى علشان تعرفوا ان البنات رقيقه جدا جدا
جدا جدا جدا جدا