قاموس اللغه المصريه الجديد

[ندعوك للتسجيل في المنتدى أو التعريف بنفسك لمعاينة هذا الرابط]
Uploaded with [ندعوك للتسجيل في المنتدى أو التعريف بنفسك لمعاينة هذا الرابط]

اعزائى اعضاء المنتدى
نحن اليوم وللاسف فى صدد ظهور لغه جديده فى بلدنا مصر
لغة العصر الحديث كما يقال
يعنى انتوا لو حبيتوا تتكلموا مع حد من الشباب المودرن
الحديث يعنى لا زم يكون معاكم القاموس ده
واليكم بعض المصطلحات من هذا القاموس

يبدأ يوم الشباب عندما تتجمع (( العصابة ))
يعنى الشلة كل (( مورنينج )) عند (( ناصية الرمش )) وهى عبارة عن مكان تتوافد إليه مجموعة من بنات النادى أو الجامعة معظمهم بنات (( إستبن )) يعنى غير أصحابهم الآساسيين وكل بنت لها المصطلح الخاص بها

يعنى لو البنت حلوه يطلق عليها (( أوكشة )) (( فى الزيف )) يعنى فى الجون

ولو لابسة جزمة كعب عالى (( ألآستوك بيتوك )) أو
حتة (( شامبو )) يعنى ريحتها حلوة ومستحمية !!!

ولو البنت صغيرة يطلق عليها (( أووزى ))

ولو كانت البنت الاجمل فى الشلة يطلق عليها (( النتفة ))

أما لو كانت قبيحة الشكل تبقى
(( صندل مقطوع أو ضاربها طبنجة ))

ولو البنت تخينة تكون (( اتوبيس ))

ولو كانت غير متناسقة القوام او الملامح تسمى
(( سلعووه ))

ولو كانت لعوباً يطلق عليها (( هشكة ))

ولو كانت مرتبطة تبقى (( أوفسايد )) أو (( متشفرة)) والكارت بتاعها مع فلان !!!

ولو كانــت البنت سمـراء البشرة تسمى (( ضالمة من قارة افريقيا )) أو (( مزرقة ))

ولو كانت بنت من مكان شعبى تسمــى (( بيئة ))....

وعندما ترفض البنت المعاكسة تقول لمن يعاكسها ( يا خفة .. اية التهزير دة ... روح لمامتك يا بيبى ))

وممكن الحكاية تكون فى السليم وتقلب صحوبية وتقول للولد (( خلينا فى الفيوتشر )) ...

ولو الولد زهق (( اتخنق )) من البنت أو العكس يقولها (( سمعينى بودعك )) أو (( حديها الدبلة )) ....

وعندما تريد البنت معرفة رأى أصحابها فى (( البوى فريند )) بتاعها تعطية ميعاداً وتطلب من صديقاتها رأيهم بدون أن يعرف
(( الموكوس )) الغلبان .... خدوا بالكم يا شباب من المصطلحات اللى جاية دية للأهمية القصوى عندما تقول لها صديقتها انك
(( تاكسى )) يعنى انت لافف وداير وبتاع بنات ..
ولو قالت (( سكامونى )) يعنى جميل و أمور ...
(( ملسكوبيتش )) يعنى بخيل ...
(( شامورتى )) يعنى خنييق ..

(( توت فروت )) مظهرجى ...
(( خفشاوى )) غير واضح وهايف ...
(( شنيش )) يعنى لامؤخذة هفأ .. !!!

ولو الولد تعبان فى المذاكرة يعنى
(( جايب جاز والشراب هوى ومتخرتق )) !!!

وأكثر مصطلحات متداولة هذة الايام

(( العب باشكا )) يعنى العب على المكشوف !!

(( حطيت إيدى على البلف )) يعنى فهمت الموضوع !!!

(( أدعك الفانوس دلوقتى )) يعنى ممكن تمشى وترحل !!!

(( أرحلك )) أخرجك من الشلة !!

(( الجوند )) فلوس !!

(( مكيش القفف )) معاه فلوس كتير !!

(( يا صباح المظلات )) للمتقدمين للكليات العسكرية !!

(( فهمـى )) يعنى نفض وكبر الجمجمة !!!

(( أحلق )) طنش !!!

(( انت حتزاولنى )) انت حتشتغلنى !!!

(( مهييس )) عامل دماغ وطاير قووى !!!

(( يا صباح اللى بتغنى )) صباح الخير !!

(( يا مساء الليل )) يعنى يا مساء الخير !!!

(( فوكك )) سيبك من الموضوع دة !!!

(( أراك أمس )) يعنى مش عايز اشوفك تانى !!!

(( أحنا عيال قادرة وكفأة .. ودكتوراة فى الحداقة )) يعنى احنا شباب 100 / 100 !!!

(( كل معرفتى بيه .. هاى باى )) يعنى مش صاحبى قوى !!!

(( شوليطى . موليطى )) يعنى مش معايا فلووس .. مفلس !!

ومن مصطلحات الاغانى المنتشرة بكثرة هذة الايام الاتى :

(( انا رايح ألعب مع روبى )) يعنى انا رايح الجيم !!!

(( تعالوا نحصل ماريا )) تعالوا نلعب شوية !!

(( انت بتقلد روبى ؟ )) يعنى بتخبى وبتدارى !!

(( أنت كدة تعجب بوسى سمير )) يعنى انت حطيت النقط على الحروف
ويا رب تكونوا استفدتوا واكون عملت زى بوسى سمير((يعنى حطيت الحروف على النقط))
وتقبلوا تحيـــــــــــــــــــــــاتى

ايه دا هى اللغه ضاعت ولا ايه
دا ايام الجاهليه كانت الناس بتنتكلم باللغه العربيه الفصحه
يبقى احنا ايه دلوقتى قاموس اللغه المصريه الجديد Icon_question

بصراحه الواحد مبقاش عارف ده جهل ولا علم حديث

اختلطت العقول
الله يعينا بس على اللغه دى
وشكرا ليكى يا شيماء على مرورك

Wonderful
هههههههههههههههههههههااااااااااااى
ايه اللغه دى دة تهييييييييس ولا ايه
واضح ان اللغه دلوقتى بقت فى الروك
We have lost our language
Everything we have lost even the language
This is PEEEEEEEEEEEEEEEEEEEEEEES

مشكور على موضوعك
بس للاسف اللغة دى من زمااااااااان
بس اظاهر وصلت وجه قبلى متاخر

قاموس اللغه المصريه الجديد 38564

لا يا يويو موصلتش متاخر ولا حاجه
انتا مش شايفه اخونا ماندوا بيتلكم ازاى
هى نفس اللغه دى اللى بيقول عليها فى الروك
ومتشكر لمرورك يا يويو
اما بالنسبه للاخ ماندوا
فهى فعلا اللغه بقت فى الروك زى ما بتقول
لانه باين من كلامك انها بقت فى الروك قوى يعنى

» الصفات دى مش هاتلاقيها فى البنت المصريه خالص مالص ههههههههه