طريقه عمل العيش الفينو

ونرجع ونقول اهلا وسهلا بيكم فى مطبخ يويو
بيشرفنى زيارتكم لموضوعى
والنهاردة بقى جايبة ليكم حاجة مهمة لكل ست بيت او بنوته شاطرة
مين مننا مش يحب ان عيالة ياكلوا شئ نضيف وكويس ويكون هو متاكد منه
اكيد كل اب وام بيتمنى انهم يكونوا عارفين مصدر اكل اطفالهم
علشان كده النهاردة انا جبت ليكم طريقه عمل العيش الفينو
واتحداكم لو جبتوهم بالطعم ده والنظافة والحلاوة دى من اى فرن
ايه ده كل ده رغى طيب يلا بقى اسيبكم مع الطريقه

المقادير



1 - 1ك دقيق

2 - 2معلقة كبيرة خميرة فورية

3 - 4/1 كوب زيت

4 - 2/1 كوب سكر

6 - 8/1 ملعقة ملح طعام

7 - 3 ملاعق لبن بودرة

8 - 2/1 ملعقة كبيرة سمن

9 - 4/1 ملعقة محسن خبز

10 - 1 كوب ماء للعجن وممكن اكتر حسب العجينة



الطريقة



نضع كل المقادير معا ما عدا الزيت وقلبى كلة واعجنى بالماء
وحطية شوية شوية لحد ما تحسى ان العجينة رطبة ولينة معاكى
وافضلى اعجنى لكويس لحد ما العجينة تلت معاكى وبعد كده نحط الزيت
ونعجن تانى كويس أوى لحد ما العجينة تشرب الزيت كويس
ونتركها تخمر وبعد كده نجيب الصاجات وندهنها زيت ونقطع فيها العيش وندهن وشة بلبن علية بيصة مضروبة ونرش عليه سمسم
ونتركه شوية لحد ما يرفع فى الصاج ونكون مولعين الفرن من قبلها
ونرصه فى الفرن لحد ما يستوى
ونكون محضريين بخاخة نضيفة فيها مية من الحنفية واول ما نخرجوا من الفرن نرش وشه من بعيد رشة خفيفة
وبالف هنا وشفا

ايه ياعم فينك
دا احنا جعنا من ساعه الكفته ما اكلناش
عايزينك منورانا على طول
وشكرا على العيش
علشلنا يبقى عيش وملح فى المنتدى